اسلامی مملکت لرهمکارلیک تشکیلاتی افغانستان ده اوروش تمان لریدن، صلح مذاکره لریگه اعتبار قرتیب و مملکت ده اوروش و زوروانلیک لرنی دوام ایتیریش دن قول تارتیش لرینی طلب ایتکن. بو تشکیلات شونینگ دیک افغانستان ده عمومی آتش کیسیم برقرارلیگی نی ایستشکن.

بو تشکیلات اوتکن کونی ( سه شنبه ۶ غقرب) بیرخبرنامه نشر ایتیب افغانستان ده زوروانلیک لر تیز لیکده توختتیلیشی و عمومی آتش کیسیم برقرار بولیشی نی طلب ایتکن. بو تشکیلات خبرنامه سیده، افغانستان ده سونگی ناقرارلیک لر کاتته تلفات قالدیرگنی نی اورته قویب بو اوروش لر عیاللر و باله لردن کوپ قربان لیک آلگنی نی تاکیدلشکن.

اسلامی مملکت لر همکارلیک تشکیلاتی عینی دمدمه افغانستان ده اوروش تمانلریدن صلح مذاکره لریگه جدی راق اعتبار قرتیش لری ایسته گن.

عینی حالده افغانستان جمهوررییس لیک سرای ارگ بو تشکیلات طلب نی آلقیشلگن. جمهورریس سوزچی سی صدیق صدیقی توییتر صحیفه سیده، افغانستان دولتی اوروش نی توختتلیشی و آتش کیسیم برقرار بولیشی نی ایستی دی دیب یازگن. طالبان گروهی حاضرگه قدر بو تشکیلات طلبی گه بیران جواب قیتیرمگن.

باشقه تماندن امریکانی افغانستان تینچلیگی بویچه مخصوص نماینده سی زلمی خلیل زاد هم مملکت ده دوام ایتیب باره یاتکان زوروانلیک و اوروش لرنی « امید سیزلنتیروچی » اتب افغانستان ده قان توکیلیش نی توختتیلیشی نی طلب ایتکن.