افغانستاندهگی جنگ میدانیده طالباننینگ مذاکرهچیهیاتی بیراعضاسی اۉغلی اۉلدیریلدی
قطردهگی طالبان سیاسي دفتری اعضاسی بوگروه نینگ مذاکرهقیلوچی هیاتی اعضاسی محمد نبی عمری نینگ اۉغلی عبدالحق عمری افغانستانده اۉلدیریلگنلیگینی تصدیقلهگن.
طالباننینگ قطردهگي سیاسي دفتری اعضاسی انسحقانی بوگون (سهشنبه ۵ اسد) اۉزی نینگ تویتتر-دهگی صحیفهسیده طالبان نینگ یوقاری مرتبهلی جنگچیسی عبدالحق عمری افغان خوفسیزلیک کوچلری بیلن تۉغریدن-تۉغری تۉقنهشووده اۉلدیریلگنلیگینی یازگن.
جناب حقاني عبدالحق عمري قچان و قېرده اۉلدیریلگنلیگی حقیده ایضاح بېرمهگن. مملکت خوفسیزلیک ادارهلری هم حاضرچه بو بارهده ایضاح بېرگنی یۉق.
عبدالحق عمری نینگ آتهسی محمد نبیعمری طالبان نینگ یوقاری مرتبهلی حربي قوماندانی بۉلیب، اوزاق مدت خلقارا اتفاق کوچلری و افغانستان خوفسیزلیک و مدافعه کوچلریگه قرشی کورهشگن.
“ویکیلیکس” ترماقی معلوماتلریگه کۉره، محمد نبی عمری افغانستان جَنوبیدهگی طالبان و القاعده قوشمه تشکیلاتی اعضاسیهم دیر.
جناب عمری ایکّی ییل آلدین قطرگه امریکا بیلن طالبان نینگ مذاکره گروهی اعضاسی صفتیده یوباریلگن و حاضر افغانستان حکومتی مذاکره قیلوچی هیاتی بیلن طالبان نینگ مذاکرهلر گروهی نینگ اعضاسی دیر.