افغانستان ده كرونا ويروسي ني يوقتيرگن لرساني ٣٤ كيشي گه يتي
neshananews
22 March 2020افغانستان عامه ساغليك اداره سي اولكه ده كرونا بيمارليگي گه ينه اون كيشي چلينگني دن خبر بيردي.
افغانستان عامه ساغليك وزيري فيروزالدين فيروز بيرخبري يغين ده بو اون مثبت واقعه دن ايككي كيشي سي كابل ده گي خارجي ايلچي خانه لر ديپلماتي بولگن و بو كسل ليك ني چيت دن آليب كيلگن ديدي.
بو اون مثبت واقعه رويخط ده آلينگني بيلن افغانستان ده كرونا ويروسي ني يوقتيرگنلر ساني ٣٤ كيشي گه يتي.
افغانستان عامه ساغليك وزيري ديدي هرات ده كرونا ويروسي ني يوقتيرگن لر ساني كوپيشي بيلن بو ولايت قرنطينه بوليشي ني تكليف قيله ميز. ينگي ليك ده رويخط ده آلينگن اون واقعه دن ٣ ته سي هرات ده، ايككي واقعه زابل ده، بير بير واقعه هم بلخ، قندهار ، غزني و ايككي واقعه هم كابل ده ثبت بولگن.
