امريكا قوشمه ايالتلري مدافعه وزيرليگي ( پنتاگون ) امريكا اوز حربي لريني افغانستان تينچ چيقاريش اوچون منطقه گه ٢٠ دن كوپراق حربي اوچاقلرني جونتيشي ني اعلان ايتكن.
“رويترز” خبر اژانسي گه كوره امريكا اردو سي باش قومانداني مارك ميلي بو مطلب ني اوتكن كوني ( جمعه ١٧ ثور ) واشنگتن ده بير خبري يغين ده اظهار ايتكن.
ميلي جنابلري ايتكن شو حاضر افغانستان ده موجود بولگن امريكاني يوزلبچه مخصوص قوتلريدن علاوه بو مملكت ٢٠ دن آرتيق حربي اوچاقلريني هم امريكا حربي لري افغانستان تينچ چقيشي اچون منطقه گه جونتليه دي.
ميلي جنابلريگه كوره امريكا مدافعه وزيرليگي اوز كوچلريني افغانستان دن تينچ چيقاريش اوچون اون ايككي ته ” اف- ١٨” و آلتي ته “بي -٥٢” توريدن بولگن حربي اوچاقلرني بو ماموريت ني بجريش اوچون منطقه گه جونته دي.
امريكا حربي قوتلري باش قومانداني علاوه ايتي واشنگتن حاضرچه افغانستان مدافعوي و امنيتي قوتلريدن حمايه ايتيش اوچون تورلي يول يوروقلرني تيكشيرماقده. اونگه كوره پنتاگون افغان امنيتي قوتلريدن اوزاق مدتلي حمايت و ارقه داشليك كورستيش اوچون بيرهرتمان له مه لايحه ني كنگره گه تكليف قيلگن.
ميلي جنابلريني ايتيشيچه امريكا ني افغانستان مدافعوي كوچلريدن حمايتي اوزاق يولدن دوام ايته دي.
افغانستان دن خارجي حربي لرني حيقيش پروسه سي ١١ ثور كونيدن باشلنيب و بيش آي گه چه يكونلندي. حاضرچه افغانستان ده اون مينگ دن آز راق خارجي حربي لر موجود.