امريكاني كابل ده گي ايلچي خانه سي طالبان دن هلمند ده گي هجوملريني توختتيشي ني طلب ايتكن
neshananews
13 October 2020
امريكاني كابل ده گي ايلچليگي هلمند ولايتي مركزي لشكرگاه شهريگه قرشي طالبان هجوملريني، طالبان و امريكا ارا امضالنگن كيليشونامه گه خلاف ايتب بو اوروش هرقنچه تيزراق توختتيليشي ني طالبان دن طلب ايتكن.
امريكاني كابل ده گي ايلچيليگي شارژدافيري راس ويلسون بوكون ( سه شنبه ٢٢ ميزان) توييتر صحيفه سيده لشكرگاه شهريگه قرشي طالبان هجومي بو گروه و امريكا ارا امضالنگن كيليشونامه گه ضد و قرشي دير ديب يازگن.
ويلسون جنابلري بو هجوم عادي اهالي اوليمي و تلفاتي گه سبب بوليب تينچليك مذاكره لر آقيميگه حدي صدمه يتكزيشي ممكن و طالبان هرقنچه تيزراق بو اوروش ني توختتيشلري لازم ديب تاكيدلشكن.
جنوبي هلمند ولايتي مركزي لشكرگاه شهري ايككي كون دن بيري طالبان نينگ آغير هجوملريگه گواه دير. بو هجوم سبب ٤٠٠ دن كوپراق عايله ار اوز اوي جايلريدن آواره بوليب عامه انشاعات لرگه آغير صدمه يتكزيلگني ايتيلماقده.
اوتكن كوني طالبان و امنيتي قوتلر ارا توقنشو شدت آلگن پيت ده امريكا يتكچيليگي ده فعاليت قيله ياتكان حمايت قاطع اوچاقلري طالبان نينگ نيچه موقعي و قرارگاه لريگه هوا هجومي اويشتيردي.
