اوچا: لغمان و ننگرهارده ۲۳ مینگ عایله اوی – جایلریدن آواره بولگن
بیرلشکنملتللرتشکیلاتیني بشری و انسانپرورلیک یاردملرنی هماهنگلشتیروچی دفتری ( اوچا )، لغمان و ننگرهار ولایتلریده ۲۳ مینگ عایله قوراللی توقنشولر سبب اوی – جایلریدن آواره بولگنی دن خبر بیرگن.
بو دفتر بوکون ( دوشنبه ۲۴ جوزا ) نشر ایتکن راپوریده بو عایلهلر افعانستان اردوسی و طالبان جنگچیلری ارا توقنشولر سونگی آیلرده آرتیب بارگنی سبب آواره بولگنلر دیب ایتکن.
اوچا راپوریده، لغمان و ننگرهار ولایتلریده آوارهبولگنلردن ۱۷ مینگ دن کوپراق عایله دستلبکی یاردملرگه ضرورتلری بار دیب اعلان ایتکن.
لغمان و ننگرهار ولایتلری ایککی آی دن بیری قتیغ توقنشولرگه گواه بولگن. خارجی قوتلرنی افعانستان دن چیقیشی باشلنگن دن سونگ، طالبان لغمان ولایتی مرکزی مهترلام شهرینی تصرف ایتیشده سعي قیلدیلر اما موفق بولمدیلر. بو ایککی ولایتده توقنشولر ایککی تمان ارا هلی هم دوام ایتماقده.