بادغیس ولایتی اونلب شاعر، مدنیتچی لری، دولتی مسووللر و یاشلری « تینچلیک قوشیقی» عنوانی بیلن یولگه قویگن احتفال بیلن مملکت ده دوام ایته یاتکان صلح آقیمی دن حمایت لرینی اعلان ایتیلر.بو دستور محلی ارگانلر مردمی حمایت لر بولیمی تشبثی بیلن یولگه قویلگندی.

بادغیس ولایت حاکمی سرپرستی فیض محمد میرزازاده اوتکن کیچه ( یکشنبه ۶ میزان) بو احتفال ده‌گی نطقی ده، تینچلیک نی افغانستان یشوچیلری نینگ اساسی طالب اتب دیدی:« افغانستان خلقی بو مملکت ده تینچلیک و دایمی برقرارلیک ایستی دیلر و دولت مخالف گروه لری مملکت نینگ بو طلبی گه لبیک دیش لری لازم.»

میرزازاده جنابلری ملی ارگانلر اداره سی مردمی حمایت لر بولیمی تمانیدن یولگه قویلگن بو احتفال دن قدردان لیک بیلدیریب علاوه ایتی افغانستان دولتی و طالبان گروهی ارا تینچلیک مذاکره لر دوام ایتیب باره یاتکان حاضرکی شرایط ده بوندای احتفاللرنی یولگه قویلیشی مردم نی صلح وتینچلیک گه امیدوار قیلیب و تینچلیک اوازینی دولت مخالف لری قلاغی گه یتکزه اله دی. بادغیس ولایت حاکملیگی سرپرستی شاعرلر بو دستورده صلح و تینچلیک خصوصیت لرینی شعر بیلن بیان ایتکنلری خاطره لی تصویرلرنی اهالی آنگی ده تصویرلیدی دیب بهالشدی.

عینی حالده محلی ارگانلرنی مردمی حمایتلر مسولی عبدالناصر عمرزی هم بو دستور یولگه قویلیشی دن مقصد مردم نی تینچلیک گه ترغیب ایتیش و اهالی نقطه نظرلرینی تینچلیک بویچه توپلش دیب ایتی. عمرزی جنابلری شاعرلر بو آقیم نی قوللب قوتلش ده ارزگولیک و مهم رول اوینه آلیش لرینی تاکیدلشدی.

بادغیس ولایتی ده یولگه قویلگن « تینچلیک قوشیقی» احتفالیده بو ولایت نینگ بیرقطار یاش شاعر لری تینچلیک آقمی و اوروش دن نفرت حقیده شعرلرنی اوقیدیلر. محلی ارگانلر اداره سی نینگ مردمی حمایت لر بولیمی مسووللریگه کورخ بو اداره مملکت نینگ تورلی ولایت لریده تینچلیک آقیمی ده حمایت ایتیش مقصدیده « تینچلیک قوشیقی » اسمیده یولگه قویب کیلماقده و بو احتفال لرده صلح و تینچلیک حقیده اوقیلگن شعرلردن بیر شعر توپلمی چاپ ایتماقچی .

بو دستور محلی ارگانلراداره سی تمانیدن اوندای حالده مملکت نینگ بیر قطار ولایت لریده یولگه قویلدی که افغانستان دولتی و طالبان گروهی هیات لری ارا یوز مه یوز مذاکره لر قطر پایتختی دوحه شهریده باشلنگن و ایککی تمان هنوز بو مذاکره لرنینگ ایش طریقه سی بویچه کیلیشه آلمگن لر.