برشنا شركتي مسووللريني اعلان قيليشيچه تاجيكستان ١٥٠ ميگاوات برق انرژي سيني افغانستان گه انتقال بيريشگه تيار ايكني دن خبر بيرگن.

برشنا شركتي برق يتكزيش دستورلري مصلحتچي سي مجتبا هوشمند بوكون ( يكشنبه ١٥ سنبله)كابل ده بير خبري يغين ده ديدي:” تاجيكستان اوتكن هفته ايشانج بيلديردي كه برق صادر قيلوچي توغان لر سو سطحي عادي حالت گه كيلگن و بو مملكت افغانستان گه ١٥٠ ميگاوات برق انرژي سيني كامل صورت ده صادر قيليش ده تيار دير.”

هوشمندجنابلري اوز صحبتلري دواميده اوزبيكستان دن برق ساتيب آليش اون ييل ليك شرطنامه سي اوتكن هفته امضالنگني دن خبر بيريب مملكت ده برق انرژي سي ميزاني ني كوپيتيريش اوچون قولي فرصت مساعد بولگن ديدي. اونگه كوره بو پروژه ني ايككنچي باسقيچي بيتكزيليشي بيلن افغانستان، تركمنستان برقي ني پاكستان گه ترانزيت قيليش اوچون هر ييلي ٥٠ ميليون دالر عايدات كسب ايته دي.

بوندن بير آي آلدين تاجيكستان جمهوريتي برق صادر قيلوچي توغاني نينگ سو سطحي پس گه كيلگني سبب، افغانستان گه انتقال بيراتكان برق ميزاني ني ١٥٠ ميگاوات دن ٥٠ ميگاوات گه پس گه توشيرگندي.