پروانده برق یتکزوچی پایه پارتلهتیلدی
برشناشرکتی نینگ خبر بېریشیچه، کابل شِمالیده جایلشگن پروان ولایتیده برق یتکزوچی پایهلردن بیری پارتلهتیلگن.
برشنا شرکتی نشرایتکن خبرنامهسیده یازیشیچه، اوشبو بو پایه بوگون (۹-سرطان، چهارشنبه) ایرتهلب ساعت ۰۴:۲۵ ده پروان ولایتی نینگ جنگلباغ حدودیده پارتلهتیلگن. برشنا اوز خبرنامسیده، اوشبو برق انرژیسینی یتکزوچی بو پایهنینگ پارتلشی بیلن کابل و قۉشنی ولایتلرده الکتر قوّتی بوتونلهی کیسلگن.
برشنا کمپنی سینینگ تخنیکي خادملری پایهنی ترمیملهیاتگنینی تأکیدلهماقده. هېچ بیر گروه یاکه شخص پارتلش مسوولیتینی اۉز ذمّهسیگه آلمهگن. بیر کون آلدین هم کابلگه برق یتکزوچی بیر پایه پارتلهتیلگندی.
برق ستونلری نینگ پارتلشی آرتیده قَیسی گروه تورگنی انیق اېمس، اما پروان پولیس اوشبو علاقهده اوچ کیشینی حبسگه آلگن و بو آدملر مماتی سَالنگ نینگ یقین قرینداشلری دېب دعوا قیلماقده؛ اۉتگن ییلی برق ستونلریگه صدمه یتکزگن عیبلوی بیلن قولگه آلینگن کیشی ۱۵ ییلگه آزادلیکدن محروم قیلیندی.