لوگر ولایتی نینگ عدلیهرییسی کابلده نامعلوم شخصلر تامانیدن اۉلدیریلدی
عدلیه وزیرلیگی لوگر ولایتی عدلیهرییسی محمد گُل علم کابلده نامعلوم قوراللی شخصلر تامانیدن اۉلدیریلگنینی تصدیقلهیدی.
عدلیه وزیرلیگی نشرایتکن خبرنامه سیده یازیشیچه، جناب علم اوتکن گونی توشدن سونگ کېچه ( سهشنبه ۵ اسد) کابل نینگ اوچینچی خوفسیزلیک حوزهسینینگ “سیلو” حدودیده اۉلدیریلگن. اوشبو وزیرلیک خبرنامهسیده “لوگر ولایتی عدلیه رییسی افغانستان خلقی نینگ تینچلیگی و برقرارلیگی دشمنلری تامانیدن اۉلدیریلگن و خوفسیزلیک خدمتلری بو حادثه نینگ عیبدارلرینی انیقلشی کېرهک” دیب تاکیدلشکن.
عدلیه وزیرلیگی واقعه قندهی صادر بۉلگنی حقیده باتفصیل معلومات بېرمهگن.
مملکت عدلی و قضایی خادملریگه سوءِقصد قیلیش بیرینچی حالت اېمس. باش محکمه و باشقارهلوچی ادارهلرنینگ اۉنلب خادملری بوندنآلدین نامعلوم شخصلر تامانیدن قصداً اۉلدیریلگن.
حاضرچه بوقتللر قیسیگروهلرتمانیدن عملگه آشیریلیشی نامعلوم. اما مملکت امنیتی قوتلری ریجهلنگن ترورلر طالبان ایشیبولگنني دعوا قیلماقده.