بغلان ولایتی امنیتی مسووللریگه کوره اندراب تومنیده اون ییل لیک قومی کیلیشموچلیک و تارتیشولرحل ایتیلدی. بو اوزاق مدتلی تارتیشو و کیلیشموچیلیک بغلان ولایتی پولیس باشلیغی و اندراب تومنی منازعه لرنی حل ایتیش کمیسیونی اره لشیشی بیلن حل ایتلگن. اوتکن اون ییل جریانیده اندراب تومنیده‌گی قومی کیلیشموچیلیک لر کوپلب قوراللی توقنشولرگه سبب بولیب اونی عاقبتیده ۴۰ کیشی اولدیریلیب و اونلب کیشی هم جراحتلنگن.

بغلان ولایتی امنیه قوماندانلیگی سوزچیسی احمد جاوید بشارت بوکون ( چهارشنبه ایککینچی میزان) نشانه خبر آژانسی بیلن صحبت ده دیدی بو قره مه قرشی گروه لر بغلان پولیس باشلیغی و اندراب تومنی منازعه لرنی حل ایتیش کمیسیونی و محل آقسقاللری وساطتی بیلن یرشیب و برچه کیلیشموچلیک لرگه نقطه قویدلر.

بشارت جنابلریگه کوره اون ییل دن بیری بو تومن ده یشه یاتکان آهالی آره سیده تارتیشو و جنجال لردوام ایتیب و تورت آی الدین ایچکی ایشلر وزیرلیگی بویروغی و بغلان امنیه قوماندان لیگی سعی وحرکتی سبب بو تومن ده منازعه لرنی حل ایتیش کمیسیونی ایجاد ایتیلدی. بغلان پولیسی سوزچیسی گه کوره قره مه قرشی قومی گروه لر بیربیرلرنی قوچاغلشیب و صلح و یرش اوچون قسم یادقیلدیلر.

بشارت جنابلری، اندراب تومنی اهالی سی بولگن بو قومی گروه لر، اوز ارا دشمن لیک و کیلیشموچیلیک لرنی یکونلنتیریش ده سوز بیرگن لردیب ایتی.

اون ییل دن بیری اندراب تومنیده نیچه قوم آره سیده جدی و قوراللی تارتیشو و توقنشو لر دوام ایتیب اونی نتیجه سیده ۴۰ کیشی دن کوپراق اهالی اوز جانلرینی قول دن بیریب و بو تومن نینگ اونلب یشوچیلری جراحت لنگندی.