کندز ولایتی امنیتی مسووللری، تخار ولایتی چیگره قوریقچی قوتلر اوچینچی لوا قوماندانی ودودخان نجرابی کندز ده ماین پارتلیشی نتیجه سیده اوز جانی نی قولدن بیرگنی نی تصدیق لشکن.

کندز ولایتی امنیه قوماندان لیگی سوزچیسی انعام الله رحمانی نشانه خبرآژانسی بیلن صحبت ده بو واقعه اوتکن کونی ( یکشنبه ۱۱ عقرب) توشدن سونگ بو ولایت نینگ خان آباد تومنی حدودیده یوز بیرگن دیب ایتی.

رحمانی جنابلریگه کوره نجرابی جناب لری نقلیه واسطه سی خان آباد تومنی « چهارتوت» منطقه سیده یول چکه سیده اورنتیلگن ماین بیلن قرشیلش کن و اونی نتیجه سیده نجرابی جنابلری اوز جانی نی قولدن بیریب ایککی قوریقچی سی یاره لنگن. کندز پولیسی سوزچیسی بو ماین طالبان جنگچی لری تمانیدن محل ده جایلشتیریلگن ایکنی نی ایتکن.

کندز پولیسی سوزچیسی عینی دمده باشقه بیر حادثه ده کندز ولایت حاکم لیگی صحنی ده تییب پارتلگن هاوان اوقی اثریدن اینگ آز امنیتی قوتلردن ۱۱ کیشی اولدیریلگنی دن خبر بیردی . رحمانی جنابلری بو هاوان اوقی ولایت حاکم لیگی صحنیده اوندای بیرحالده تییب پارتلشکن که امنیتی قوتلر سپورت قلیش بیلن شغللنرایکن.بو واقعه اکثر قربان لری ولایت حاکمی شخصی قوریقچی لری و حاکم لیک بناسی امنیتی مسووللری بولگن.

هرچند امنیتی مسووللر بو هاوان طالبان تمانیدن آتیلگنی نی ایتکن اما طالبان گروهی حاضرگه قدر بو باره ده بیران نرسه ایتمگن.

طالبان گروهی سونگی کونلرده اکثر ولایت لرده هجوملرینی شدت بیرگن. ملی مدافعه وزیرلیگی نی ایتیشیچه طالبان جنگچی لری اوتکن ۲۴ ساعت مدتیده ۲۷ ولایت ده مملکت امنیتی و مدافعوی قوتلریگه قرشی هجوم لر اویشتیرگن.