سیاسی و جهادی حزب لر ومدنی جماعه کینگاشی سابق جمهورریس نجیب الله اولدیریلگنی نی ۲۴ نچی ییل مراسمی اوتکزیلشی گه قرشی لیک کورستیب، حکومت بو مراسم آلدینی آلیشی کیرک دیب ایتکن.

اسلامی حزب نینگ یوقاری اعضاسی همایون جریر بوکون ( چهارشنبه ۹ میزان) کابل ده بیر خبری یغین ده، نجیب الله اولدیریلگنی ییل مناسبتی بیلن یغین اوتکزیلشی نی صلح آقیمی نی سبوتاژ قیلیش اوچون بیر استخباراتی دستور دیب ایتکن. جریرجنابلرینی علاوه ایتشیچه نجیب الله عالم دن اوتکنی ییلی نی نشانلش مراسم در حقیقت مملکت ده قرغ ییل دوام ایتکن اوروش قربان لریگه « حرمت سیزلیک» دیر. اونگه کوره بو قربان لردن کاتته سانی خلق دموکراتیک حزبی حاکمیتی دوربده اوز جانلرینی قولدن بیرگن لر.

اسلامی حزب نینگ بو اعضاسی، جهادی و سیاسی حزبلر، تینچلیک آقیمی نی سبوتاژ و قربان لر قانی گه حرمتسیزلیک قیله یاتکان هرقندای حرکت آلدینی آلماقچی لردیب آگاهلنتیرگن.

عینی دمده طالبان گروهی نینگ سابق اعضاسی مولوی قلم الدین، نجیب الله نی افغانستان یشوچیلریدن مینگلب کیشی قتل عامی مسولی اتب حکومت سابق جمهورریس خاطره لرینی یادلش مراسمی نشانلنیشی الدی آلینیشی کیرک دیبر دیدی.

افغانستان سابق جمهورریسی نجیب الله اولدیریگنی نی ۲۴ ییل لیک مراسمی ۷ میزان کونی نشانلنیشی ریجه لنگندی. تاریخی مناسبتلرنی اوتکزیش و نشانلش کمیسیونی کینگاشی هم بو مراسم اوتکزیلشی ده تیارگرلیک اعلان ایتکندی . اما بو مراسم دیرلی حکومت و جهادی حزب لر ممانعتی سبب بیکار قیلندی. نجیب الله طرفدارلری ایسه ایرته گه ( پنجشنبه ۱۰ میزان) بو مراسم نی لویه جرگه خمیه سیده اوتکزماقچی لر.

نجیب الله اوز حکومتی دوریده جهادی گروه لرگه قرشی کورشدی. شو سبب دن جهادی سیمالر اونی اولدیریلگن کونی نشانلنیشی گه مخالف دیرلر. سابق جمهورریس نجیب الله ۱۳۷۵ نچی ییلی ۷ میزان کونی طالبان کابل شهری نی اوز نظارت لری آستیده کیریتکندن سونگ بو گروه جنگچی لری تمانیدن اولدیریلدی و جسدی شهرده دارگه آسیلدی.