ایلک بار جوزجان ولایتی مرکزی شبرغان شهریده عیال پولیس لر کیچه تمانیدن تیکشیرو وتلاشی پوسته لرایجاد ایتیلگن.
بو ولایت امنیه قوماندان لیگی مسووللریگه کوره کیچه تمانیدن یولگه قویلگن بو پوسته لرایجاد ایتیلیشی دن مقصد شبرغان شهریده رمضان کیچه لریده انتظام وترتیب نی قوللب قوتلش دیر. جوزجان یشوچیلری پولیس نینگ بو عملی نی آلقیشلب بو حرکتلرطفیلی عیاللر کیمی دن فایده لنه یاتکان تروریستی حرکت لر آلدی آلنیشی گه امید بیلدیرگنلر.
جوزجان پولیس سوزچیسی مسعود ندیم نشانه خبرآژانسی بیلن صحبت ده دیدی بو ولایت پولیس قوماندان لیگی عیال پولیس لردن فایده لنیب تلاشی و تیکشیرو پوسته لرنی ایجاد ایتیش بیلن شبرغان شهریده امنیت و خوفسیلیک نی توله تامین لشده جدی اعتبار قرتکن. ندیم جنابلریگه کوره بو ایلک بار دیرکه عیال پولیس لر شبرغان شهرینی گوجوم بیر منطقه سیده تیکشیرو پوسته سی ایجاد ایتکن.اونی معلوم قلیشیچه بو پوسته بیرعیال ضابط نظارتی آستیده فعالیت باشله گن.
شبرغان شهری بیشینچی پولیس حوزه سی آمری نجیبه دلاوری بو تیکشیرو پوسته نی ایجاد ایتیب نظارت قیلماقده. خانم دلاوری نی ایتیشیچه بوندن سونگ او اونی مسلک داشلری اهالی خصوصا عیاللر خوفسیزلیک و امنیتی نی تامین لش اوچون کیچه تمانیدن هم اوز فعالیت لری نی کوچیتیریش ده قرار آلگن میز. خانم دلاوری پولیس تمانیدن بوندای تیکشیرو پوسته لر شهرنینگ تورلی منطقه لریده ایجاد بولگنی بیلن مردم نی پولیس قوتلریگه نسبتا ایشانچ لری کوپیب و خوفسیزلیک وضعیتی یخشی راق بولیشی ممکن دیدی. پولیس حوزه سی باشلیغی گه کوره عیال عسکر و ضابط لر تیکشیرو وقتی نی عیال و قیز وطنداشلری بیلن صحبتلشیب و شهرخوفسیزلیکی نی توله تامین لنیشی اوچون اولردن همکارلیک سورش لری لازم دیدی.
عینی حالده شبرغان شهری بیرقطار یشوچیلری هم تیکشیرو و تلاشی پوسته لرده عیال پولیس لر بارلیگی نی اوته لازم بولگنی نی اورغولب جوزجان پولیسی بو حرکتی نی آلقیشلشکنلر. شبرغان شهری یشوچیسی رحمت الله یزدانی تیکشیرو پوسته لرده عیال پولیس لرحضورینی فایده لی اتب عیاللر رمضان کیچه لریده امنیت سایه سیده یخشی راق قنه اله دیلر دیدی. جوزجان یشوچی سی بولگن یزدانی جنابلری بوندای تیکشیرو پوسته لر شهرنینگ باشقه منطقه لریده ایجاد ایتیلشی نی امید قیلیب بوندای بولگن تقدیرده دولت نینگ مخالف قوراللی لر عیال کیمی دن فایده لنیب تروریسیتی هجوم لرنی عمل گه اشیره آلمیدیلر دیدی.
کورینیشی دن ددولت نینگ مخالف قوراللی گروه لری بار بار عیاللر کیمی دن فایده لنیب پولیس و اردو نینگ تلاشی پوسته لریدن اوتیش گه موفق بولگنلر. امنیتی اداره لر معلوماتلریگه کوره حاضرگه قدر طالبان گروهی نینگ کوپلب جنگچی لری عیاللر کیمی بیلن امنیتی قوتلر تمانیدن توتقین ده آلینگن.
شبرغان شهریده عیال پولیس لر تمانیدن تیکشیروپوسته لر ایلک بار اوندای بیر حالده ایجاد ایتیلگن که تازه لیک ده دوهم ثارن نجیبه دلاوری شبرغان شهری بیشینچی پولیس حوزه سی آمری صفتیده ایش باشله گن.
پولیس صفیده عیال پولیس لر سانی آز ایکن لیکی معلوم دار دیر، اما سونگی ییللرده پولیس صفیده عیاللر سانی آرتیب بارماقده. محلی اداره لرمعلوماتی گه کوره حاضرچه یالغیز جوزجان ولایتی پولیس اداره سیده یوز عیال تورلی بولیم لرده وظیفه بجرماقده لر.