امریکانی افغانستان تینچلیگی اوچون مخصوص نماینده سی زلمی خلیل‌زاد، تینچلیک مذاکره لری زمانی یقین لشیشی بیلن بو آقیم نی تخریبچی لری بو آقیم گه خلل یتکزیش دن امیدسیزبولگن دیب فکر بیلدیرگن.

خلیل‌زاد جنابلری اوتکن کیچه ( چهارشنبه ۱۹ سنبله ) توییتر صحیفه سیده افغانستان جمهورریسی بیرینچی اورین باسری نقلیه واسطه لری کاروانیگه قرشی هجومنی، افغانستان تینچلیک آقیمی نی تخزیبچی لری امیدسیزلیکی نشانه سی دیب یازگن. امریکا نی افغانستان تینچلیگی اوچون مخصوص نماینده سی یازگن:« صلح آقیمی نی تخریبچی لری تینچلیک مذاکره لر زمانی یقین لشکنی بیلن بو تاریخی آقیم نی بوزیشی اوچون سعی و حرکتلری نتیجه سیز قالگنی دن امیدسیز بولگنلر.» اونگه کوره صلح اوچون ایجاد بولگن هر فرصت نی بوزیش اوچون بو تخریبچی لر هیچقندای سعی و حرکت دن ایه مه دیلر.

خلیل‌زاد جنابلرینی تاکیدلشیشیچه افغانستان ده صلح وتینچلیک نی تامین لش اوچون جاری سعی و حرکت لر هرقندای خلل یتکزیش حرکت لردن امان قالگن.

امریکانی مخصوص نماینده سی تینچلیک جاری آقیمی نی مملکت ده اوروش و قان توکیلیش نی توختتیش اوچون « یگانه یول » دیب بهالشکن.

خلیل‌زاد جنابلری بو موضوع نی اوندای بیرحالده بیان ایتکن که افغانستان دولتی و طالبان گروهی هیات لری ارا یوزمه یوز مذاکره لر یقین کونلرده قطر ده باشلنماقچی. هرچند حاضرگه قدربو مذاکره لر تاریخی اعلان بولمگن اما افغانستان دولتی ایلک مذاکره آجنداسیده  مملکت ده آتش کیسیم تامین لنیشی موضوع سی بحث ایتیلیشی دن خبر بیرگن.