خلیلزاد بیرعالی رتبهلي آمریکایی هیاتباشچیلیگیده کابل و دوحهگه تمان یول آلدی
امریکا تشقیایشلروزیرلیگیني اعلانقیلیشیچه بومملکت ني افعانستان ایشلریبویچه مخصوص نمایندهسي زلمیخلیلزاد بیرعالی رتبهلي هیات باشچیلیگیده بولیب کابل و دوحه تمان حرکت قیلگن.
آمریکا تشقیایشلروزیرلیگی اوتکن کونی( شنبه ۱۵ جوزا) نشرایتکن خبرنامهسیده بو سفرده خلیلزادلری بیلن امریکانی ملي امنیت کینگاشی، مدافعه وزیرلیگی و خلق ارا ترقیات ادارهسي نماینده لری یولداش ایکنی دن خبربیرگن.
بو وزیرلیک خبرنامه سیده یازیلیشیچه خلیلزاد جنابلری بوسفرده کابل ده افعانستان دولتی رهبرلری، مدني جماعه اعضالری و عیاللر بیلن اوچرشیب و دوحه ده ایسه افعانستان دولتی و طالباننینگ مذاكره قیلوچی هیات اعضالری بیلن صحبت و مذاکره قیلماقچی.
خبرنامه گه کوره خلیلزاد جنابلری دوحه گه سفری جریانیده افعانستان دولتی و طالبان گروهینینگ مذاکره قیلوچی هیاتلرینی مذاکرهلرنی باشلش ده ترغیب ایتماقچی.
اوتکن هفته افعانستان دولتی نینگ مذاکره قیلوچی هیاتی اعضالری دوحه گه سفر قیلدیلر و ایککی تمان ارا ا مذاکرهلر قیته باشلنیشی کوتلردی اما حاضرگه قدر بو مذاکرهلر باشلنمگن.