خوست ولایتی محلی رسمیلری خوست شهریده پارتلش یوز بیرگنی نی تصدیق لشکن. رسمیلر بو پارتلش ده بیش کیشی یاره لنگن دیب ایتکن.

خوست ولایتی پولیس سوزچسی عادل حیدر بو کون ( پنجشنبه ۱۰ میزان) نشانه خبر آژانسی گه دیدی بو واقعه بوکون ایرته لب ساعت ۵.۰۰ خوست شهری ایککینچی امنیتی حوزه سیگه تیگیشلی مجاهدی چهارراهه سیده یوزبیرگن.

حیدر جنابلری بو واقعه ده یاره لنگن بیش کیشی برچه سی عادی اهالی بولگنی نی تاکیدلشدی.

هرچند بو واقعه مسولیتی نی هیچ شخص یا گروه اوز بوینیگه آلمگن اما امنیتی مسووللر طالبان گروهی انده سنده بو ندای پارتلش لر نی بو ولایت ده یولگه قویب کیلگن دیب ایتکن.

سونگی پیتلرده طالبان میقناطیسی و یول چکه سیده جایلشتیریله یاتکان ماین لردن  امنیتی قوتلرگه قرشی کوپراق قوللنیب کیلماقدهو ایککی کون آلدین دایکندی ولایتی ده یول چکه سیده جایلشتیریلگن ماین پارتلشی نتیجه سیده عادی اهالی دن ۱۴ کیشی قربان بولدی. افغانستان انسان حقلری کمیسیونی بو واقعه نی اوروش جنایتی دیب بهالشدی.