دولت خدمتچیلری نینگ آیلیگینی تۉلهش الکترونیک تیزیمیگه ایلندی
مرکزي بانک، دولت خدمتچیلری اۉز معاشلرینی دیجیتال طرزده آلیشلری ممکن بۉلگن دستورنی ایشگه توشیردی.
مرکزي بانک عمومی رییسی اجمل احمدي بوگون ( سهشنبه۱۲ اسد) بو دستورنینگ آچیلیش مراسمیده اداری اصلاحاتلر و دولت خدمتی کمیسیونی، مالیه، احصاییه و معلومات ادارهسی، خصوصي بانکلر و مخابراتی ترماقلری اوشبو تیزیمگه اولنگن.
جناب احمدي نینگ قۉشیمچه قیلیشیچه، ینگی دستورگه موافق، برچه دولت خدمتچیلری اوز آیلیکلرینی بانکلردن “موبایل منی” دستوری دایرهسیده یاکه قول تېلفون آرقهلی قولگه کیریته آلهدیلر
اونینگ سۉزلریگه کۉره، بو تیزیم دولت خدمتچیلریگه اینتېرنېتگه اولنمسدن تېلفون یاردمیده باشقه آدملر نینگ حساب رقملریگه پول اۉتکزیش امکانینی هم بېرهدی.
جمهوررییس محمد اشرف غنی نینگ ایتیشیچه، تیزیم نینگ یرهتیلیشی حکومتنی دیجیتاللشتیریش دستوری نینگ بیر قِسمی بۉلیب، کون اوتیشی بیلن کېنگهییب بارماقده. اونینگ سۉزلریگه کۉره، بیر نېچه آیدن سۉنگ، اینیقسه، آسیبپذیر اهالی اوشبو تیزیم دایرهسیده زودلیک بیلن یاردم آلیشلری ممکن بۉلهدی.
دیجیتاللشتیریش تیزیمنینگ ایشگه توشیریلیشی حکومت نینگ سۉنگگی آیلردهگی رېجهلریدن بیری بۉلگن. بو تیزیم نینگ ثمرهدارلیگی الکترونیک کیملیک کارتلریگه کۉپراق باغلیق؛ و مملکتده الکترونیک کیملیک آلیش اوچون مراجعت اېتووچیلر سانی نینگ کۉپهییشیگه هم سبب بولگن.