ریس جمهورغنی: افغانستان تینچلیگی اوچون منطقه و جهانی اجماع شکیللنگن
افغانستان جمهوررییسی محمد اشرف غنی افغانستان تینچلیگی اوچون منطقه ای و جهانی اجماع شکیللنگنی نی تاکیدلشکن.
جمهور رییسلیک سرای نشرایتکن خبرنامه سیده غنی جنابلری اوتکن کونی توش دن سونگ( سه شنبه ۱۵ میزان) دوحه شهریده مطالعات و منازعات وانسان حقلری مرکزی ده نطق سوزیده بو موضوع نی اورته گه قویدی.
ارگ خبرنامه سی جمهورریس دن نقل قیلگن که افغانستان منطقه چهارراهه سی و منطقه ای و خلق ارا همکارلیک لر زمینه سی گه ایلنیشی اوچون بو منطقه ای و جهانی اجماع شکیللنگن دیب ایتکن.
عیمی حالده ملی مصالحه عالی کینگاشی ریسی عبدالله عبدالله تینچلیک آقمی ده ملی و منطقه ای اجماع دیب اتگن شو موضوع بویچه پاکستان و هندوستان گه سفر قیلگن. عبدالله جناب لری شو ریجه ده باشقه بیرقطار مملکت لرگه هم سفر قیلماقچی.
پاکستان و هندوستان منطقه اینگ جدی رقیب دیرلر و اوتکن ییل لرجریانیده افغانستان ده دوام ایتیب بارگن اوروش ده هم رقابت قیلیب کیلگن لر. هندوستان تشقی ایشلر وزیری قطرده افغانستان تینچلیک مذاکره لری باشلنگن مراسم ده ، افغانستان هندوستان منفعتی گه قرشی و ضد مملکت گه ایلنمسلیگی کیرک دیب تاکیدلشدی.