زلمی خلیلزاد فوزیه کوفی گه قرشی هجوم نی قارهلدی
امریکا قوشمه ایالتلرینی افغانستان تینچلیگی بویچه مخصوص نماینده سی زلمی خلیلزاد افغانستان دولتی نینگ طالبان بیلن مذاکره قیلوچی هیاتی اعضاسی فوزیه کوفی گه قرشی قوراللی هجوم نی قارهلشدی.
خلیلزاد جنابلری بوکون ایرتهلب ( یکشنبه ۲۶ اسد) توییرصحیفه سیده بو هجوم نی قاره لب یازگن خانم کوفی گه قرشی هجوم، افغانستان تینچلیک پروسه سیگه خلل یتکزیش نی قصد قیلگن کشی لرنی بیر ناجوانمردانه و جنایت لی هجومی دیر. خلیلزاد جنابلری افغانستان تینچلیک پروسه سیده دخلدار بولگن برچه تمانلردن، افغان لر ارا مذاکره لر باشلنیشی اوچون صلح پروسه سی نی تیزلشتیریش ده سعی و حرکت قیلیش لرینی طلب ایتکن.
افغانستان پارلمانی سابق نماینده سی و طالبان بیلن مذاکره قیلوچی هیاتی اعضاسی فوزیه کوفی جمعه آقشامی (۲۴ اسد) کابل ـ پروان شاه یولیده و قرباغ تومنی حدودیده تانیلمگن قوراللی لرهجومی گه دوچ کیلدی. خانم کوفی بو هجوم ده سطحی یارهلندی. بوندن آلدین جمهورریس محمد اشرف غنی و ملی مصالحه عالی کینگاشی ریسی و دولت نینگ باشقه بیرقطار عالی رتبه لی مقام لری بو هجوم نی قارهلشکندی لر.
حاضرگه قدر هیچ بیرشخص یا گروه بو هجوم مسولیتی نی اوز بوینیگه آلمگن. طالبان گروهی هم بو هجوم ده دخلدار ایمس لیگی نی ایتکن