دنیامملکت لری نینگ یوزدن آرتیق سابق جمهوررییس و باش وزیرلری بیر قوشمه قرار آرقلی دنیانی یتی بای و به دولت مملکتلری ( جی ۷) دن کمبغل مملکت لرگه کرونا واکسنی یاردم بیریشلری نی طلب ایتکنلر.

« سی . ان .ان » تلویزیون ترماقی بوکون ( دوشنبه ۱۷ جوزا ) نشرایتکن راپوریده حکومت لرنی بو سابق مقاملری بیر مشترک اعلامیه آرقلی بو طلب نی بیان ایتکن لریدن خبربیرگن. بو راپورده دولت لرنینگ سابق مقاملری اسمی ذکر ایتیلمگن.

راپورگه کوره دولت لرنینگ سابق مقاملری کمبغل مملکت لرده کرونا واکسی کمچیلیگی دن تشویش اظهار ایتیب بو ویروس بیرجدی تهدید اوله راق بو مملکت لرده ییریک قیینتچیلیک توغدیریشی ممکن دیب ایتکنلر.

بو طلب گه اساسن دنیانی یتی بای و به دولت مملکتلری کمبغل مملکت لرگه ضرورت بولگن کرونا واکسنی نی تیارلش بیلن کرونا ویروسی گه قرشی قوشمه و ثمره لی کورش نی بجریش لری لازم لیگی تاکیدلنگن.

امریکا، اروپا اویشمه سی، چین، هند و روسیه جهان ده کرونا ویروسی نی ایشلب چیقاره یاتکان ییریک مملکت لر دیر. تازه لیکده امریکا ۵۰۰ میلیون دن کوپراق دوز واکسن نی دنیا نی کمبغل مملکت لریگه یاردم بیرماقچی بولگن.

 عینی حالده اسیا، اروپا، افریقا و لاتین امریکا ده اونلب مملکت کرونا ویروسی گه قول تاپیش ده کوپ معما و قیینتچیلیک لرگه دچار بولگن و امریکا و جهان ساغلیک نی سقلش تشکیلاتی یاردمی نی کوتماقده لر.