جمهور رييس ايككينچي اورين باسري سرور دانش امريكا قوشمه ايالتلري ينگي رهبريتي دن افغانستان تينچليك آقيمي ني قيته كوريب چيقيشي ني طلب ايتكن.

دانش جنابلري بوكون( دوشنبه ١٩ عقرب) كابل ده بير خبري يغين ده امريكا قوشما ايالت لري افغانستان تينچليك آقيمي نينگ اوتكزيلگن باسقيچ لريني قيته كوريب چيقيشي كوتليشي ني اورته گه قويب بو آقيم ده يوزه گه چيققن معمالر برطرف بوليب و تينحليك مذاكره تمانلري بو آقيم ده مسوليت بيلن قتنشش لري لازم ديگن.

جمهور رييس ايككينچي اورين باسري طالبان ني دوحه ده دوام ايتيب باره ياتكان صلح مذاكره لري باشي بيك كوچه گه كيريب قالگني عاملي اتب بو گروه، امريكا و طالبان ارا امضالنگن كيليشونامه ني مذاكره لر اساسي آلينيشي ده اصرار قيليش لري بيلن بو آقيم ني باشي بيك كوچه گه آليب باريشكن ديدي.

دانش جنابلري شونينگ ديك دوحه كيليشونامه سي افغانستان دولتي و طالبان ارا صلح مذاكره لري مبناسي آلينيشي ناممكن دير ديگن.چونكه اونگه كوره افغانستان دولتي ني بو كيليشونامه ده هيچقنداي حقوقي مسوليتي يوق دير.

حالانكه طالبان امريكا ينگي رهبريتي دوحه كيليشونامه سيگه اعتبار قرتيش ده اميدلري كاتته. امريكاني جوبايدن باشچيليگي ده گي ينگي حكومتي نيچه كون دن سونگ خارجي سياستي تفصيلاتي ني اعلان ايته دي.

بايدن جنابلري افغانستان تينچليك آقيميده كيرتيشي و افغانستان دن امريكايي حربي لرني چيقاريشي تاريخي ده ينگي اوزگريشلرني كيريتيشي ممكن.