سرپل شهریده دهقانچلیک افت لرگه قرشی دارولرنی سقلش اوچون بیر انبار بناسی دهقان لر اوچون قوریلیب فایده لنیش گه تاپشیرلدی. بو بنا اوچ میلیون افغانی بودجه بیلن زراعت و چاروا دارلیک وزیرلیگی تمانیدن قوریلگن.

سرپل ولایت حاکمی عبدالقادر آشنا بوکون ( شنبه ۱۵ سنبله ) رسانه لربیلن صحبت ده بو انبار نی قوریلش مبلغی زراعت و چاروادارلیک وزیرلیگی بودجه سی دن تامین بولگنی نی ایتیب و بو بنا فایده لنیش گه تاپشیریلیشی بیلن سرپل ولایتی دهقانلریگه ضرورت بولگن دارو لر سقلنیشی جهتی دن معمالری برطرف ایتیلیب بوندن سونگ معین و کیرک بولگن وقت دن بو دارو لر دهقان لر اختیاریگه قویله دی.

عینی حالده سرپل ولایتی زراعت و چاروادارلیک اداره سی ریسی محمدسلیم رنجبر نشانه خبرژآنسی بیلن صحبت ده بو انبارنی قوریلیشی دن مقصد تورلی موسوملرده دهقانچیلیک دارولرنی سقلش اوچون معیاری مرکز بولگنی دیردیب ایتی. اونی علاوه قیلیشیچه بوندن سونگ سرپل ولایتی دهقان و باغدارلری بو ذخیره گاه ده سقلنه یاتکان صفتلی دارو لردن فایده لنه اله دیلر. اونی معلوماتیگه گه کوره بو انبارنی قوریلیش ایشی بیر ییل مدتی ده بیتکزیلگن.

دهقانچیلیک دارو لرنی سقلش انباری اوندای بیر حالده بو ولایت ده فایده لنیش گه تاپشیریلدی که هرییلی بو ولایت ده اوسیملیک افت لرگه قرشی کیرک بولگن دارو لر بولمگنی اوچون دهقانچیلیک محصولات دن بیر مقداری نابود بولردی. سرپل ولایتی باغدارلریدن بیری محمدرحیم دیدی هر ییلی دهقانچیلیک محصولاتی دن بیرمقداری کیرک لی دارو بولمگنی اوچون بین دن کیتردی. اونگه کوره بو ضررزیان آلدینی آلیش اوچون کیرک بولگن دارولرنی بلخ ولایتی دن ساتیب الیش گه مجبور بولیب و بونی اوچون کتته مبلغ صرفلشکن.

محمد رحیم دن علاوه سرپل ولایتی نینگ یوزلب دهقانلری بو انبار قوریلیشی بیلن بو ولایت دهقان و باغدارلرینی بو توغریده‌گی معما و کمچیلیک لری برطرف ایتیلیشی نی کوتماقده لر.

سرپل ولایتی یشوچیلریدن قریب ۸۰ فایزی دهقانچلیک و باغدارلیک بیلن شغللنه دیلر و جاری شمسی ییلده طالبان نظارتی آستیده بولگن منطقه لرده کوکنار ایکیلگنی محلی حکومت قرشی سیده تورگن اینگ کتته معمالردن بیریگه ایلنگن