سرپل ولایتیده ۱۰۰ هکتار ییر پسته اۉرمانلرینی برپا اېتیشگه اجرتیلگن
neshananews
08 July 2021سرپل ولایتی دهقانچیلیک، سوغاریش و چارواچیلیک اداره‌سی متصدیلری ولایتده‌گی ۱۰۰ هکتار یېر پسته اېتیشتیریش اوچون اجرتیلگنلیگینی اَیتماقده‌لر. اوشبو یېر جهان بانکی نینگ مالیوي همکارلیگی بیلن زراعت بۉلیمیگه بېریله‌دی.
سرپل ولایتی زراعت، سوغاریش و چارواچیلیک اداره‌سي باشلیغی محمد سلیم رنجبر بوگون ( پنجشنبه ۱۷ سرطان) نشانه خبرآژانسی بیلن صحبت ده، اوشبو پسته اۉرمان زاری ایجاد ایتیش کیلیشونامه‌سی، بو اداره و اورماندارلیک انجمنی اۉرته‌سیده امضالنگنینی ایتدی.
جناب رنجبر نینگ قۉشیمچه قیلیشیچه، پسته اۉرمانینی برپا اېتیش اوچون اوشبو ۱۰۰ هکتار یېرنی برچه احتیاجلری بیلن اجره‌تیش تخمیناً ایکّی میلیون تۉرت یوز مینگ افغانی مبلغ تخمین بولگن که اوشبو پسته اۉرمانینی قوریش خرجتلری نینگ بیر قِسمی زراعت اداره‌سی‌نینگ‌‌فوق العاده و آذوقآذوق-اوقات خوفسیزلیگی دستوری آرقه‌لی تأمینلنه‌دی.
سرپل ولایتی زراعت، سوغاریش و چارواچیلیک اداره‌سی رهبری اوشبو اۉرمان تمل ایشلری کیله‌سی تۉرت آی ایچیده تیار بۉلیشینی اَیتماقده. جناب رنجبر نینگ سۉزلریگه کۉره، اوشبو پسته اۉرمانینی قوریش تۉرت ییلدن بېش ییلگچه دوام اېته‌دی.
سۉنگگی اۉن ییل‌جریانیده سرپل ولایتیده دهقانچلیک سېزیلرلی درجه‌ده رواجلنگن. ساووق انبارخانه‌لر قوریش و اوی باغلرینی یره‌تیش زراعت و چارواچیلیک وزیرلیگی نینگ دهقان‌لرنی رغبتلنتیریش اوچون یولگه قویلگن. اما ولایتده بیرینچی مرته ۱۰۰ هکتار میدانده پسته اۉرمانینی قوریش ایشی ریجه‌لنگن.
