سرپل ولایتیده عایلهوي رستورانت نینگ تمل تاشی قۉییلدی
سرپل ولایتی مرکزیده اۉن میلیوندن آرتیق افغانی مبلغ بۉ سلطان راضيه عایلهوي رستورانتی نینگ تمل تاشی قۉییلدی. اوشبو عایلهوي رستورانت سرپل شهری نینگ خوفسیز حدودیده خاتین-قیزلر ایشلری وزیرلیگی تامانیدن دولت نینگ تشویقی بودجه سیدن ۴۰۰ مترمربع ییرده برپا اېتیلهدی.
سرپل ولایتی عیاللر ایشلری ادارهسي باشلیغی نبیله حبیبی نینگ بوگون (یکشنبه۲۰ سرطان) نشانه خبرآژانسیگه ایتیشیچه، رستورانت یقین آلتی آی ایچیده قوریب بیتکزیلهدی. اونینگ قۉشیمچه قیلیشیچه، سلطان راضېه عایلهوي رستورانتی بیر وقت نینگ اۉزیده ۱۰۰ کیشینی قبول قیله آلهدی. خانمحبیبی نینگ سۉزلریگه کۉره، اوشبو رستورانت یانیده بالهلر اوچون اۉیین پارکی هم قوریلهدی.
سرپل ولایتی عیاللر ایشلری ادارهسي باشلیغی سۉزلریگه کۉره، سلطان راضيه رستورانتی نینگ قوریلیشی توگهگندن سۉنگ، ۱۵ گه یقین عیاللر رستورانت نینگ تورلی بۉلیملریده ایشلشهدی. حبیبی خانیم اوشبو رستورانتنی باشقهریش سرپل ولایتیدهگی عیالرگه بېریلیشینی تأکیدلهدی.
سۉنگگی ییگیرمه ییل ایچیده بو سرپل ولایتیده بیرینچی مرته عایلهوي رستورانت قوریلیشی دیر. سۉنگگی ایکّی ییل ایچیده سرپل قوشنی لیپیدها جایلشکن جوزجانده عیاللر تامانیدن تۉرتته رستورانت و قهوه خانه قوریلگن.