سمنگان نینگ درهصوف تومنیده تازهلش عملیاتی باشلنیشی
مملکت شِمالیدهگی ۲۰۹ شاهین قولاردوسی، خلق بسیج کوچلری کمکی بیلن سمنگان ولایتی نینگ درهصوف پایین تومنینی قَیتریب آلیش اوچون خوفسیزلیک کوچلری نینگ قۉشمه عملیاتی باشلنگنینی معلوم قیلدی.
بلخدهگی ۲۰۹ شاهین قولاردوسی خبرنامسیده یازیشیچه، عملیات کېچه توشدن کېین (جمعه ۱اسد) درهصوفبالا واديسیدن درهصوف پایین مرکزیگچه باشلنگن.
بیاناتده خوفسیزلیک کوچلرینی قۉللب-قوّتلش اوچون درهصوف بالا قَیتریب آلیش عملیاتی خلق کوچلری هم اشتراک اېتگنلیگی قۉشیمچه قیلینگن. شونینگدېک، خبرنامهده درهصوف پایین تومنی نینگ بیر قِسمی طالبان جنگریلریدن تازهلنگنی ایتیلگن.
خبرنامهگه کۉره، دولتی قوتلر درهصوف پایین تومنی پولیس قوماندانلیگی یقینیگه یتیب بارگن. شاهین قول اردوسی رسميلر قۉشنی حدودلرنی طالباندن تازهلشگه حرکت قیلینگنلیگینی قۉشیمچه قیلدی.
عملیات نینگ باشقه تفصیلاتلری اعلان قیلینمهگن.
عینِ پیتده، مدافعه وزیرلیگی اۉتگن هفته سمنگان ولایتیدهگی درهصوف بالا تومنی طالبان جنگریلریدن تازهلنگنی حقیده اعلان قیلدی.