سۉنگگی ایکّی آی ایچیده اوروش نتیجه‌سیده ۵۰۰۰ عایله جوزجان‌گه پناه تاپکن
neshananews
19 July 2021جوزجان ولایتی قاچقینلر و مهاجرین اداره‌سی‌نینگ ایتیشیچه، سۉنگگی ایکّی آی ایچیده ولایتده اوروشدن جبر کۉرگن ۵۰۰۰ گه یقین عایله بو ولایت‌گه باش‌پناه تاپگن. طالبلر جنگریلری جووزجان نینگ اېتتی تومنینی قوله‌تگندن سۉنگ، عایله‌لر شبرغان شهریگه‌قاچیب کیلگن.
جوزجان قاچقینلر اداره‌سي رییسی عبدالمالک رستمی بوگون (دوشنبه۲۸ سرطان) آواره‌لر نینگ اکثریتی شبرغان شهری اطرافیده‌گی قیشلاقلرگه پناه آلگن ديدي.
جناب رستمی، دوام اېته‌یاتگن اوروش طفیلی، آواره‌لرنینگ انیق سانی حلی انیقلنمه‌گنلیگینی قۉشیمچه قیله‌دی.
تۉرت آیدن بېری شبرغان جَنوبیده‌گی قیشلاقلرده طالبان جنگچیلری و حکومت کوچلری اۉرته‌سیده شدّتلی جنگلر دوام اېتماقده. اوروش نینگ شدّتی اوشبو محله‌لر نینگ کۉپلب اهالیسینی شبرغان شهریگه قاچیب کېتیشیگه سبب بۉلگن.
قاچقینلر اداره رسميلری سۉنگگی تۉرت آی ایچیده بیر قطار کۉچیب کېلگنلر شبرغان شهریده‌گی یقین اویلریده باش‌پناه تاپگنلرینی قۉشیمچه قیلیشدی. اوشبو اداره رهبری اولر نینگ بعضیلری شرایط یۉقلیگی سببلی چادر آستیده یشیشی‌نی تصدیقله‌ماقده. جناب رستمی اوروش قربانلری سانی و حالتینی اۉرگنیش جریانی تېز آره‌ده باشلنیشینی تأکیدله‌ماقده.
قاچقینلر اداره سی نینگ معلوماتلریگه کۉره، سۉنگگی ایکّی ییل ایچیده جوزجان ولایتی‌گه، فاریاب، سرپل، قوندوز و خوفسیز بۉلمه‌گن تومنلریدن اۉن مینگدن زیاد عایله‌لر باش‌پناه تاپگن.
