طالبان نینگ شبرغان شهریگه قیلگن هجومی دفع بولدی
جوزجان ولایتی محلي رسميلری نینگ ایتیشیچه، طالبان جنگچیلری نینگ جوزجان ولایتی مرکزی شبرغان شهریگه هجومی حکومت کوچلری تامانیدن اردو نینگ هوا هجوملری بیلن توختهتیلگن. عینِ پیتده طالبان نینگ شبرغان شهری تامان سیلجیشی جَنوبدن توختهگن. هوا هجوملری نتیجهسیده طالبان نینگ ۴۱ جنگری هلاک بۉلیب و ۱۹ جنگچیسی یارهلندی.
جوزجان ولایتحاکمی محمد هاشیم رییس شنبه کونی (۲۶ سرطان) عامهوي اخبارات واسطهلری بیلن صحبتده اۉلدیریلگنلر آرهسیده طالباننینگ آلتی قوماندانی بارلیگینی تصدیقلهدی. جناب رییس قۉشیمچه قیلهدی؛ طالبان نینگ مهم اعضالریدن بیری قاری نقیبالله هم اۉلدیریلگن. محمد هاشم رییس نینگ تأکیدلشیچه، شبرغان شهری حاضرده حکومت کوچلری نظارتی آستیده. اونینگ سۉزلریگه کۉره، حکومت و مقاومت کوچلری طالبانگه قرشی توریش اوچون شبرغان اطرافیدهگی قیشلاقلرگه کۉچیریلگن.
کېچه طالبان جنگچیلری جوزجان ولایتی مرکزی شبرغان شهریدن بېش کیلومتر اوزاقلیکده هجوم اویوشتیریشدی. طالبان هجومی کۉپراق جَنوبي کمریدن شبرغان شهریگه قرهتیلگن اېدی. معلوملتلرگه گروه هجومیدن سۉنگ حکومت کوچلری خلق مقاومت قوتلری بیلن همکارلیکده شبرغان شهریدن ۵ کیلومتر اوزاقلیکده جنگ چیزیغاینی تشکیل اېتیشدی. عینِ پیتده شبرعان شهری اطرافیدهگی قیشلاقلرده اردو نینگ هوا یاردمی بیلن خوفسیزلیک و مدافعه کوچلری نینگ تازهلش عملیاتی دوام اېتماقده. محلي رسميلر جَنوبي کمربند یۉلینی طالبلردن قَیته آزاد قیلگنلیکلرینی تصدیقلهماقدهلر.
طالبان وکیلی ذبیحالله مجاهد حلی عامهوي اخبارات واسطهلریده قاری نقیبالله و گروه نینگ باشقه اعضالری اۉلدیریلگنی حقیده معلومات بیرمگن.