عمران خان نینگ حامد کرزی بیلن تلیفون آرقهلی صحبتی
سابق جمهوررییس حامد کرزی نینگ مطبوعات دفتری، پاکستان باش وزیری عمران خان جناب کرزی بیلن تلیفون آرقهلی گپلشگنینی خبر قیلدی.
جناب کرزی نینگ مطبوعات دفتری اۉز خبرنامهسیده بو صحبت کېچه ( چهارشنبه ۲۳ سرطان) کونی کېچقرون بۉلیب اۉتگنینی یازگن. خبرنامهگهکۉره، ایککی تمان افغانستاندهگی حاضرگی تینچلیک جریانینی محاکمه قیلدیلر.
بیاناتده، شونینگدېک، پاکستان باش وزیری جناب کرزینی افغانستاندهگی تینچلیک بۉییچه ییغیلیشده قتنهشیش اوچون اسلامآبادگه باریشگه تکلیف قیلگنی ایتیلگن. اما بو خبرنامهده جناب کرزی عمران خان نینگ تکلیفینی قبول قیلگنی یا قیلمهگنلیگی دن انیق معلومات بیرمگن.
عینِ پیتده پاکستان تشقی ایشلر وزیرلیگی تمانیدن اوچرهشووگه ینه بیر قطار سیاسي رهبرلر تکلیف قیلینگن. پاکستان تشقی ایشلر وزیرلیگی اوشبو اوچرهشوو جاري قویاش ییلی نینگ ۲۶ و ۲۸ سرطان گونلری آرهسیده بۉلیب اۉتیشینی معلوم قیلگن.