غزني ولايتي محلي رسميلري، غزني ولايتي ده يك تومني اوچون طالبان تعينلشكن حاكم ملي اردو هوا هجومي نتيجه سيده اولديريلگني دن خبر بيرگن.

غزني ولايت حاكمي سوزچيسي وحيدالله جمعه زاده بوكون( دوسنبه ١٤ ميزان) نشانه خبر آژانسي بيلن صحبت ده ديدي ده يك تومني اوچون طالبان تمانيدن تعينلنگن حاكم “حضرت خالد” طالبان نينگ آلتي جنگچي سي بيلن بيرگه ملي اردو اوچاق لري هوا هجوميده اولديريلگن ديب ايتي.

جمعه زاده جنابلري گه كوره بو واقعه غزني ولايتي ده يك تومني شهاب الدين منطقه سيده يوز بيرگن.او، بو هوا هجوميده طالبان حاكمي نينگ نقليه واسطه سي نشان گه توتيليب بوتكل نابود بولگني و عادي اهاليگه صدمه يتكزيلمگني ني اورغولشدي.

طالبان حاضرگه قدر بو باره ده بيران نرسه ايتمگن.

باشقه تماندن اوتكن شام هم طالبان نينگ بدخشان ده گي قيزيل قطعه سي قومانداني ملي اردونينگ بير مدافعوي عملياتي نتيجه سيده اولديريلگندي.