غزنی ولایتی محلی رسمیلری بیر شخص بوولایت نینگ جاغوری تومنیده بیر قیزی و ایککی اوغیل باله سی نی اولدیرگنی دن خبر بیرگن

غزنی ولایتی امنیه قوماندان لیگی سوزچیسی احمدخان سیرت نشانه خبر آژانسی بیلن صحبت ده دیدی بو واقعه اوتکن کونی ( یکشنبه ۲ قوس ) جاغوری تومنی « چال » قشلاقی حدودیده یوز بیرگن. سیرت جنالریگه کوره بو واقعه عاملی باشقه بیرشخص بیلن بیرگه پولیس تمانیدن توتقین ده آلینگن و فرزندلری قتلی نی اعتراف ایتکن.

غزنی پولیسی بو واقعه سببی حقیده معلومات نشر ایتمگن اما ایتیلیشیچه بو واقعه قربان لری ناقانونی علاقه قوریش ده عیب لنیب اولدیریلگنلر.

افغانستان ده جنسی علاقه لر و ناموسی موضوع لرگه تیگیشلی قتللر اینگ رواجلنگن قتل لر دیر. چکه حدودلرده قانون حاکمیتی توله تطبیق ایتیلمگنی سبب بو قتل لر عامللری بازخواست بولمید دی و قانون چنگالیده تاپشیریلمی دی.