جمهورریس لیک سرای نی اعلان قیلشیچه جمهورریس محمد اشرف غنی بیر عالی رتبه لی هیات باشچیلیگی ده بولیب بامیان ولایتی گه سفرقیلدی.

غنی جنابلری نینگ بو سفردن مقصدی بامیان ولایتی عمومی وضعیتی نی تیکشیریش ایتلگن.

بوکون ایرته لب ( یکشنبه ۳۰ سنبله ) ارگ تمانیدن نشر ایتیلگن خبرنامه گه کوره بو سفرجریانیده بیر فوق العاده امنیتی یغین غنی جنابلری رهبرلیکی بیلن بامیان گه اوتکزیلماقچی. خبرنامه گه کوره جمهورریس شونینگ دیک بو ولایت اهالی سی اشتراک ایته یاتکان بیر کتته یغین ده قتنشیب نطق سوزله ماقچی و بامیان ولایتی نی بلخ گه باغله یاتکان « دره صوف ـ یکه ولنگ» یولی قوریلیشی ایشی نی یقین ده کوزته دی.

ارگ خبرنامه سیگه کوره، بامیان تاریخی ساحه لرینی یقین دن کوریش غنی جنابلری سفری برنامه لری دن بیری دیر. غنی جنابلری نی بامیان ولایتی گه شفری اوندای بیر حالده اوتکزیلماقده که سیلاولرجریانیده او بامیان اهالی سیگه بیرگن وعده لری عملی بولیشی گه چه اوزاق مسافه قالگن.

بامیان ده تاش کومر و  و تيمر كانلری ایشلب چیقاریلشی، بو ولایت گه برق انرژی سی انتقال بیریلشی و مرکزی منطقه لر جفرافی قماقی نی سیندریش گه مشهور بولگن موضوع لر جمهورریس غنی نی بامیان اهالی سیگه سیلاولر جریانیده بیرگن وعده لری جمله سی دن ایدی. هرچند بو وعده لرنی عملگه آشیریلشی اوچون دستلبکی آدیم لر کوتاریلگن اما بو وعده لردن هیچ بیری تولیق عملی بولمگن.