افعانستان باش محکمه‌سي، غور ولایتی لعل و سرجنگل تومنی محکمه سي اعضاسی گل‌احمدرضایی تانیلمگن قوراللی شخص‌لر تمانیدن ترور بولگنی دن خبر بیرگن.
باش محکمه نشر ایتکن خبرنامه‌سیده بوقاضی بوکون( دوشنبه ۲۴ جوزا) ایرته‌لب لعل و سرجنگل تومنی مرکزیده ترور بولگنی ني خبر قیلگن‌.
بو اداره، رضایی جنابلری قندای ترور بولگنی حقیده کوپراق معلومات بیرمگن‌. باش محکمه نشر ایتکن خبرنامه‌سیده دولت‌نینگ قوراللی مخالف‌لرینی بو قتل عاملی تانیشتیرگن.
حاضرگه‌قدر هیچ بیر گروه بو ترور مسوولیتی ني اوز بوینیگه آلمگن.
ایککی هفته آلدین هم قندهار ولایتیده بیر قاضی تانیلمگن قوراللی‌لر تمانیدن ترور بولگندی‌. عدلی و قضایی اداره‌لر ملازملری‌نینگ نشان گه توتیلیشی مملکت‌ده ریجه‌لنگن ترورلر سلسله سیدن حسابلندی‌‌.
حاضرگه‌قدر بو ترورلر قیسی گروه‌لر تمانیدن عملگه آشیریلیشی معلوم ایمس، اما امنیتی ارگانلر مسووللری طالبان گروهی ني بو ترورلر عاملی تانیشتیرماقده.