ممكلت شماليده گي ملي اردو قوتلري مسووللري فارياب ولايتي شيرين تگاب تومنيده بير انتحارچي كوزله گن مقصديگه يتيب باريش دن آلدين اولديريلگني دن خبر بيرگنلر.
شاهين ٢٠٩ قول اردو سي سوزچي سي محمد حنيف رضايي بوكون( دوشنبه اون اوچينچي ثور) نشانه خبر آژانسي بيلن صحبت ده، خودكش هجومچي شخص بدنيگه جايلشتيريلگن پارتلوچي ماده مقصدگه يتيب باريش دن آلدين پارتلگني دن خبر بيردي.
رضايي جنابلري گه كوره بو واقعه اوتكن كوني توش دن سونگ طالبان نظارتي آستيده بولگن شيرين تگاب تومني ني ” آستانه ” قشلاقيده يوزبيرگن.
شاهين قول اردوسي سوزچي سي بو واقعه ده طالبان جنگچي لريدن باشقه ايككي كيشي اولديريلگني ني تاكيدلب خودكش هجومچي شخص مقصدي شيرين تگاب تومني ده گي امنيتي و مدافعوي قوتلرني نشان گه توتيشي بولگني ني ايتكن.
شيرين تگاب تومني فارياب – جوزجان شاه يولي حدوديده جايلشكن. بو تومن نينگ ايريم حدودلري تورت ييل دن بيري طالبان نظارتي آستيده دير. اردو قوتلري اوتكن ييلي اوتكن ييلي بو شاه يولني طالبان جنگچي لريدن تازه لش اوچون حربي عمليات يولگه قويگني دن خبر بيرگندي اما كورينيشي دن بو حدود حاضرگه قدر طالبان قوراللي لريدن تازه لنمگن.