فاریاب نینگ پشتونکوت تومنیده طالبان هجومی دفع بولدی
فاریاب امنیتی مسووللری نینگ بیلدیریشیچه، ولایت نینگ پشتونکوت تومنی ایریم قِسملریگه طالبان هجوملری قَیتریلگن.
فاریاب پولیس قوماندانلیگی سوزچیسی محمد کریم یورش بوگون ( یکشنبه ۲۷ سرطان) نشانه خبرآژانسیگه طالبان کېچه پشتونکوت تومنیدهگی منطقه سبز منطقه سیگه اوچ جهتدن هجوم قیلگنینی ایتدی.
جناب یورش نینگ قۉشیمچه قیلیشیچه، طالبان جنگچیلری نینگ اوشبو هجوملری حکومت حربیلری تمانیدن خلق مقاومت کوچلری کمکی بیلن قَیتریلگن. جناب یورش خوفسیزلیک کوچلری و طالبان اۉرتهسیدهگی تۉقنهشوو پیتیده طالبان رهبری قاری عالم ۱۲ نفر جنگچیسی بیلن بیرگه اۉلدیریلگنی و گروه نینگ ۲۲ نفر جنگچیسی یارهلنگنینی قۉشیمچه قیلدی.
فاریاب پولیس قوماندانلیگی سوزچیسی نینگ سۉزلریگه کۉره، جنگلرده ایکّی خوفسیزلیک کوچی هم هلاک بۉلگن.
طالبلر تۉقنهشوو حقیده عامهوي اخبارات واسطهلریگه حلی خبر بېرمهگن.
پشتونکوت تومنیدهگی سبز منطقهسی فاریاب نینگ مرکزی میمنه شهریدن بېش کیلومتر اوزاقلیکده جایلشگن.