قندهارده یۉلاوچیلر موتری یۉل چکه‌سیده‌گی ماینگه دوچ‌کیلیب، بېش کیشی هلاک بۉلدی
neshananews
18 July 2021قندهار ولایتی نینگ محلي رسميلری یۉلاوچیلر موتری ولایت نینگ ارغستان تومنیده یۉل چکه‌سیده‌گی ماین بیلن تۉقنه‌شگنینی تصدیقله‌ماقده.
قندهار پولیس قوماندانلیگی سوزچیسی جمال ناصر بارکزی نشانه خبرآژانسی‌گه ایتیشیچه، واقعه بوگون (یکشنبه ۲۷ سرطان) توشدن آلدین ارغستان تومنی عمومی یۉلیده صادر بۉلگن.
جناب بارکزی نینگ قۉشیمچه قیلیشیچه، تونس توریدن بولگن یۉلاوچیلر موتری یۉل چکه‌سیده‌گی ماینگه دوچ‌کیلیب، بېش یۉلاوچینی اۉلدیرگن و تۉرت کیشینی جراحتله‌گن.
قندهار ولایتی پولیس‌قوماندانلیگی سوزچیسی نینگ سۉزلریگه کۉره، یۉل چکه‌سیده‌گی ماین اوشبو حدودگه طالبان جنگریلری تمانیدن اۉرنه‌تیلگن.
طالبان حاضرچه بو حقده ایضاح بېرمه‌گن.
یۉل چکه‌سیده‌گی ماینلر پارتلشلر مملکتده تینچ اهالی نینگ قربان بۉلیشیگه سبب بۉلماقده. افغانستان مستقل انسان حقوقلری کمیسیونسی یۉل چکه‌سیده‌گی ماینلر و پارتلاوچی مادّه‌لرنی تینچ اهالی قوللنه‌یاتکان عمومی قتناوو یولرده جایلشتیریلیشی انسان حقوقلریگه ضد عمل بولگنی‌ني اوروغلشکن.
