كابل ده ايككي مقناطيسي ماين پارتلشي بيركيشي دن جان آليب اوچ كيشي ني ياره لنتيردي
neshananews
21 November 2020كابل پوليس قوماندانليگي، كابل شهريده ايككي مقناطيسي ماين پارتلشي نتيجه سيده بيركيشي اوز جاني ني قولدن بيرگن و اوچ كيشي ياره لنگني ني تصديق لشكن.
كابل پوليسي سوزچيسي فردوس فرامرز ديدي بيرينچي پارتلش بوكون ( شنبه بيرينچي قوس) ايرته لب ساعت ٠٧:١٥ دقيقه دن كابل شهري اون ايككينچي حوزه سيگه قرشلي ارزان قيمت منطقه سيده يوز بيرگن. فرامرزجنابلري بو واقعه ده بير پوليس اولديريليب و اوچ كيشي ياره لنكن ديدي.
بو واقعه ده بيررنجر نقليه واسطه ده مقناطيسي ماين اورنتيليب باتلگن.
ايككينچي پارتلش ايسه ساعت٠٨:٠٠ ده چهلستون منطقه سيده يوز بيرگن، بو واقعه تلفات قالديرمگن.
حاضرگه قدر بو ايككي واقعه مسوليتي ني هيچ كيم يا گروه اوز ضممه سيگه آلمگن، اما امنيتي مسووللر حربي و ملكي نقليه واسطه لرده مقناطيسي ماين لر اورنتيليشي ني طالبان گروهي ايشي ديب ايتيشماقده لر.
