كابل ده پارتلوچي ماده دن توله بولگن بير نقليه واسطه كشف بولدي
neshananews
27 September 2020ايچكي ايشلر وزيرليگي ني اعلان قيليشيچه “مازدا” توريدن بولگن و پارتلوچي ماده جايلشتيريلگن بير موتر كابل شهريده قولگه آليندي.بو موترده تورت مينگ كيلوگرام پارتلوچي ماده جايلشتيريلگن ايكن.
ايچكي ايشلر وزيرليگي خبرنامه سيده يازيليشيچه بو يوك تاشوچي موتر اوتكن كيچه( شنبه ٥ ميزان) كابل شهري توقيزينچي ناحيه سيگه قرشلي پلچرخي منطقه سيدن بير عمليات نتيجه سيده پوليس تمانيدن كشف و قولگه آليندي.
خبرنامه گه كوره بو موتر ده بمب ده ايشله تيله ياتكان ” سوديم نايتريت” ماده سيدن تورت مينگ كيلو جايلشتيريلگن ايكن.امنيتي ارگانلر بو موتر هيدوچي سيني هم قولگه آلگنلر.
سونگي آي لرده مملكت امنيتي و مدافعوي قوتلريگه ضربه يتكزيش اوچون طالبان گروهي تمانيدن ماين و پارتلوچي ماده لردن استفاده قيليش كوپيگن.
