بلخ‌ده طالبان تمانیدن بمب جایلشتیریلگن ایککی مو‌ترگه قرشی اردو هواهجومی
neshananews
08 July 2021شِمالده جایلشگن ۲۰۹ شاهین قول‌اردوسی، بلخ ولایتی نینگ بلخ تومنیده طالبلر تامانیدن بمب‌جایلشتیدیلگن ایککی مو‌ترگه هوا هجومی اویوشتیریلگنلیگی حقیده خبر بېره‌دی. ایکّی ترانسپورت واسطه‌سینی نابود قیلیش بیلن عینی‌زمانده، بو هوا هجومیده سکّیزته طالبان جنگچیسی هلاک بۉلدی.
۲۰۹ شاهین قول‌اردوسی نشرایتکن خبرنامه‌سیده بو هوا هجومی کېچه کېچقرون (چهارشنبه۱۶سرطان ) صادر بۉلگنلیگینی یازگن. طالبلر بیر تراکتور و پارتلاوچی مادّه‌لر آرتیلگن رنجر بیلن خوفسیزلیک و مدافعه نظارت قوتلری پوسته قرشی خودکش هجوم اویشتیریش‌نی قصد قیلیشنی رېجه‌لشتیرگنی خبربیرگن.
بیاناتده قۉشیمچه قیلینیشیچه، هوا کوچلری بلخ ولایتی نینگ بلخ تومنیده‌گی بابه‌قو قیشلاغیده‌گی ترانسپورت واسطه‌لرینی نشانگه آلگن. طالبان حاضرچه بوحقده ایضاح بېرمه‌گن.
بیراق، بیر قطار محلي اهالی هوا هجومی نتیجه‌سیده تینچ اهالی هم جراحت آلگنینی دعوا قیلماقده. بیراق، محلي اهالی انیق معلومات یاکه باشقه تفصیلاتلرنی کېلتیرمه‌یپتی. ۲۰۹-شاهین قول‌اردوسی نینگ سوزچیسی محمد حنیف رضایی بو هوا هجومیده تینچ اهالی هلاک بۉلگنلیگینی رد اېتدی. اونینگ سۉزلریگه کۉره، هوا هجوملریده تینچ اهالی آره‌سیده قربانلر بۉلگنلیگی حقیده هېچ قنده‌ی معلومات یۉق.
سۉنگگی اوچ کون ایچیده بلخ ولایتیده طالبان موقع‌لریگه و ییغیلیشلریگه اردو هوا هجوملری کۉپه‌یماقده. خبرلرگه کۉره، حاضرچه بلخ ولایتی نینگ سکّیز تومنی طالبان جنگریلری نظارتی آستیده دیر.
