مدافعه وزیرلیگی: ارزگان نینگ یوزلب اهالیسی طالبلرگه قرشی قورال کۉتارگن
neshananews
24 June 2021مملکت جَنوبیده‌گی ارزگان ولایتی‌نینگ یوزلب اهالیسی طالبان جنگریلریگه قرشی قوراللنگن، دېب خبر قیلماقده مدافعه وزیرلیگی رسميلری.
مدافعه وزیرلیگی سوزچیلریدن بیری فواد امان بوگون (۳ سرطان، پنجشنبه) فیسبوک‌ده‌گی صحیفه‌سیده ارزگان اهالیسی ولایت مرکزیگه ییغیلگنینی و طالبانگه قرشی کوره‌شیشگه تیارلیگینی اعلان قیلدی.
جناب امان نینگ تأکیدلشیچه، بو ارزگان ولایتی نینگ اهالیسی طالبلرگه قرشی مملکت خوفسیزلیک و مدافعه کوچلری بیلن بیر قطارده جنگ قیلیشگه و اۉز حدودلرینی اوشبو جنگریلرگه قرشی حمایه قیلیشگه وعده بېریشکن.
جناب امان بوشخص‌لر انیق رقمنی ایتمه‌گن، اما طالبانگه قرشی بو ولایت‌ده اهالی‌نینگ سفربرلیکی کېنگ ترقه‌لگنلیگینی تاکیلشکن.
سۉنگگی اوچ کون ایچیده تخار، جوزجان، فاریاب، کندز، بغلان، کاپیسا، سمنگان، بلخ، پروان، غور، هرات، لغمان و ننگرهار ولایتلریده یوزلب آدملر طالبانگه قرشی قورال آلگن.
ملي مدافعه وزیرلیگی طالبانگه قرشی عامه‌وي سفربرلیکلرگه قوشیلگن کیشی‌لرنی جهازلنتیریش‌وه وعده بېرگن.
