مدافعه وزیرلیگی: فاریاب‌گه اردونینگ تازه‌نفس قوتلری جایلشتیریلدی
neshananews
21 June 2021فاریاب ده خوفسیزلیک مسأله‌لری اوج آله‌یاتگن بیر پیتده، مدافعه وزیرلیگی رسميلری ولایتگه تازه‌نفس کوچلر جایلشتیریلگنینی اَیتماقده.
مدافعه وزیرلیگی سوزچیسی اۉرین‌باسری فواد امان اۉزی نینگ تویتر‌صحیفه‌سیده یازیشیچه، کوچلر کېچه (۳۰-جوزا، یکشنبه) فاریاب ولایتی مرکزی میمنه‌ده جایلشگن.
جناب امان یقین‌کیله‌جکده اردونینگ تازه‌لش عملیاتی بو‌ولایت‌ده باشلنیشی‌ني ایتیب و طالبان آلدینگه اۉتیشیگه یۉل قۉییلمسلیگینی قۉشیمچه قیلدی.
عینِ پیتده سۉنگگی تۉرت هفته ایچیده فاریاب نینگ تۉرت تومنی طالبان قۉلیگه اۉتدی و اوردو کوچلری و طالبان جنگچیلری اۉرته‌سیده‌گی قوراللی تۉقنه‌شوولر فاریاب ولایتی مرکزی میمنه چېکّه‌سیگه یتیب‌کیلگنی ایتیلماقده.
