مدنیت وزیرلیگی: تومنلرنی قولمهقول بولیشی تاریخي میراثلر بوزیلیشی خوفینی آشیرگن
اخبارات و مدنیت وزیرلیگی سرپرستی طاهر زهیر نینگ ایتیشیچه، اردو کوچلری و طالبان جنگچیلری اۉرتهسیده تومنلرنی قولمهقول بولیشی تاریخي آبده و ممیراثلرنی یۉق قیلیش خوفینی آشیرگن.
جناب زهیر بوگون (۲-سرطان، چهارشنبه) کابلده اۉتکزیلگن مطبوعات انجمنیده طالبان نینگ اوزاق توشکن تومنلرده هجوملری کوچهیگنی بیلن عینی زمانده، تاریخي بنالر و میراثلر نابود بولیش احتمالی کۉپهیگنینی ایتکن.
جناب زهیر نینگ قۉشیمچه قیلیشیچه، تومنلر ایککی تمان ارا قولمهقول وجنگلر تاباره کوچهییب بارهیاتگن بیر پیتده مافيا گروهلری فرصتدن فایدهلنیب تاریخي میراثلرنی یۉق قیلیشلری ممکن.
او مملکت اهالیسیدن، تاریخي یادگارلیکلرنی حمایه قیلیشگه و مملکتدهگی مدني و تاریخي میراثلر نینگ نابود بولیشی آلدینی آلیشده جدي اعتبار قرتیشلرینی طلب ایتکن.
سۉنگگی هفتهلرده طالبان نینگ تومنلرگه قرشی هجوملری کۉپهیگن و حکومت و طالبان اۉرتهسیده ۲۰ دن آرتیق تومنلر قۉلمهقول بولگن.