تانيلمگن قوراللي لر هرات شهري مركزيده، ملي اردو ملازملريني انتقال بيروچي بير رنجرني نشان گه توتيلر. هرات امنيه قوماندانليگي معلوماتيگه كوره بو هجوم ده رنجر هيدوچي سي اوز جاني ني قولدن بيرگن و ملي اردو عسكرلريدن تورت كيشي هم ياره لنگن.

بو واقعه بوكون ايرته لب( دوشنبه ١٠ قوس) هرات شهر اون ايككينچي ناحيه سيگه تيگيش لي هرات خياباني ده يوز بيرگن. هرات پوليسي سوزچيسي عبدالاحد وليزاده، موترسايكل ده بولگن قوراللي لر بو رنجرني نشان گه توتكندن سونگ واقعه محلي دن قاچيشگه موفق بولگن.

بوندن آلدين هرات حربي كينگاشي شهرده ايككي كشيليك موتر سايكل لر باردي كيلدي سيني منع ايتكندي. شو سبب دن هرات پوليسي سوزچيسي بو تروريستي واقعه عامللريني تانيش و توتقين ده آلينيشي اوچون تحقيقاتلر باشلنگني دن خبر بيرگن.

سونگي هفته لرده هرات ده ايككي كيشي ليك موترسايكل باردي كيلدي سي منع ايتيلگن دن سونگ جنايي جرم و خصوصا قوراللي اوغيرليك و ريجه لنگن ترورلر ميزاني كميگندي. هرات ده امنيتي قوتلر دايره سيده جدي اوزگريش و اصلاحات لر كيريتيليشي گه داير بو ولايت نينگ اعتراضلري سبب، هلي هم بونداي ترورلر بوتكل توختتيلمگن.