ملي مدافعه وزيرليمگي، غزني ولايتي موتربمب هجوميني ريجه لشتيرگن حمزه نورستاني ملي اردونينگ بير هوا هجوميده يتي يولداشي بيلن بيرگه اولديريلگني دن خبر بيرگن.
مدافعه وزيرليگي نشر ايتكن خبرنامه سيده دولت مخالف لري نينگ بو گروهي اوتكن كيچه( يك شنبه ٩ قوس) غزني ولايتي گيرو تومني ني “علي شيرخيل” قشلاقيده ملي اردو هوا قوتلري بير ريجه لنگن عملياتيده اولديريلگني ني تاكيدلشكن.
مدافعه وزيرليگي بو گروه اعضالريدن بيري حمزه نورستاني تصويريني نشر ايتيب بو شخص غزني ولايتي ده يك تومنيده جايلشكن ملي اردو قرارگاهي گه قرشي موتربمب هجوميني ريجه لشترگندي ديب ايتكن. خبرنامه گه كوره بو هوا هجوميده طالبان جنگچي لريگه تيگيشلي بولگن بير مقدار قورال يراق هم نابود بولگن.
اوتكن كوني پارتلوچي ماده دن توله بير نقليه واسطه ملي اردو قوتلري نينگ ده يك تومنيد گي قرارگاهي يقينده پارتلدي و اوني نتيجه سيده اينگ آز اردو قوتلريدن ٣٠ كيشي قربان بوليب و ٢٠ عسكر هم ياره لندي.