مملکت جَنوبیده‌گی قندهار هواقونالغی راکت هجومیگه اوچره‌دی
neshananews
01 August 2021قندهار محلي رسميلر ولایت هواقونالغی راکت‌لر نشانیگه آلینگنینی تصدیقله‌یدیلر.
قندهار پولیس قوماندانلیگی سوزچیسی جمال ناصر بارکزی نینگ نشانه خبرآژانسی‌گه ایتیشیچه، راکت هجومی کېچه ( شنبه ۹ اسد) عملگه آشیریلگن. جناب بارکزی نینگ قۉشیمچه قیلیشیچه، اوچ راکت طیاره توختتگن جاییگه توشیب پارتلگن.
اونینگ سۉزلریگه کۉره، راکت هجومی تلفات قالدیرمگن. معلوماتلرگه کوره، بو هواقونالغی دن پروازلر بیر نېچه ساعتگه تاخته‌تیلگن.
هجوم اوچون جوابگرلیکنی هېچ بیر گروه اوز ذمّه‌سیگه آلمه‌دی. طالبان ایلگری قندههار هواقونالغی‌نینگ اَیریم قِسملرینی راکت‌لر بیلن نشانگه آلگن، اما راکت‌لر هېچ قچان طیاره‌لرنی توختش جاییگه تېگمه‌گن.
بو راکت هجومی اوندای بیرحالده عملگه آشیریلگن که اۉتگن هفته امریکا حربی اوچاقلری هلمند و قندههار ولایتلریده طالبان موقع‌لرینی بمباردمان قیلگندی
خبرلرگه کۉره، امریکا نینگ ب-۵۲ بمباردمانچی اوچاقی هرات ولایتیده طالبان موقع‌لرینی هم نشانگه آلگن. رسمي منبعلر حاضرچه بو باره ده ایضاح بېرمه‌گن.
