پروان ولايتي سيدخيل تومني دين عالملر كينگاشي ريسي ترور بولدي
پروان ولايتي محلي رسميلري بو ولايت سيدخيل تومني دين عالملر كينگاشي ريسي سيف الله صافي تانيلمگن قوراللي لر تمانيدن اولديريلگني ني تصديق لشكن.
پروان پوليسي سوزچيسي سليم نوري بو واقعه بوكون ( يكشنبه ايككينچي جوزا) ايرته لي صافي جنابلريني سيد خيل تومنيده جايلشكن اويي يقينيده يوزبيرگن ديب ايتكن.
نوري جنابلري علاوه ايتي بو دين عالمي ايش محلي تمان باراتكان پيتيده تانيلمگن قوراللي لر تمانيدن نشان گه توتيلگن.
حاضرگه قدر هيچ بير گروه بو واقعه مسوليتي ني اوز بوينيگه آلمگن.
ايككي ييلدن بيري مملكت ده دين عالملري، مدني فعاللر، خبرنگارلر و دولت نينگ ملكي و حربي ملازملريگه قرشي ريجه لنگن هجوملر كوبيب بارماقده.
امنيتي ارگانلر بو ترورلر عاملي ني طالبان گروهي ديب تانيشتيرماقده.