کابل پولیسی کابل شهری آلتینچی ناحیه‌سیده یوزبیرگن پارتلشده تورت کیشی قربان بولگنی ني تصدیقلشکن. بوپارتلش افعانستان باش‌قاره‌لوچی اداره‌سي یقینیده یوزبیرگن.
کابل پولیسی سوزچیسی فردوس فرامرز بو پارتلش بوکون( پنجشنبه۱۳جوزا ) ساعت ۰۱.۴۵ دقیقه‌ده کابل‌شهری آلتیچی امنیتی حوزه گه تیگیشلی بولگن چهارقلعه‌چهاردهی خیابانیده یوزبیرگن دیدی‌.
فرامرز جنابلری تونس توریدن بولگن مسافرتاشوچی بیر نقلیه واسطه مقناطیسی ماین بیلن نشانگه توتیلگنی ني ایتکن. اونگه کوره بو پارتلش تورت عادی اهالی دن جان آلگنی‌دن علاوه تورت کیشی ني هم یاره‌لنتیرگن.
حاضرگه قدر هیچ بیر گروه بو واقعه مسوولیتی ني اوز بوینیگه آلمگن.
بوندن ایککی آلدین‌هم کابل شهری اوچینچی امنیتی حوزه‌سي‌ حدودیده یوزبیرگن ایککی پارتلش ده ایککی کیشی قربان بولگندی‌.