کابل طبیات عالیاوقویورتی آکسیجن ایشلب چیقاروچی اسکونهنی یرهتیشده موفق بولگن
کابل طبیات عالیاوقویورتیني اعلان قیلیشیچه،بو مرکزنینگ تخنیکي خادملری آکسیجن ایشلبچیقاروچی اسکونه یرهتیشده موفقیت قازانگن. اوشبو قوریلمه بیردقیقهده اۉن بېش لیتردن آرتیق آکسیجن ایشلب چیقاریشده قادر.
کابل طبیات عالی اوقویورتی کېچه (۳۱-جوزا، سهشنبه) نشر ایتکن خبرنامسیده آکسیجن ایشلب چیقاروچی بو اسکونه کابل بازارلریده موجود بۉلگن ماتریاللردن فایدهلنگن حالده ایشلب چیقریلگنلیگینی یازگن.
عالیاوقویورت خبریگه کوره، آکسیجن جنراتوری بیر دقیقهده ۱۵ لیتردن آرتیق آکسیجن ایشلب چیقریشی ممکن. اوشبو قوریلمهده ایشلب چیقریلگن آکسیجن نینگ خالصلیگی ۹۳% گه اېتهدی. خبرنامه نینگ معلوماتلریگه کۉره، اوشبو قوریلمهني تیارلنیشیگه ۳۰ مینگدن آرتیق افغانی صرفلنگن.
کابل طبیات عالیاوقویورتی اوشبو قوریلمهنی مملکتدهگی کرونا بېمارلرنی دوالش اوچون آکسیجن ایشلب چیقاریش اوچون مهم آدیم بهالب و اوشبو قوریلمه خارجي اسکونهلرگه نسبتاً جوده ارزان نرخده تیارلنیشینی قۉشیمچه قیلگن.
بیراق، کرونا ویروسی نینگ اوچینچی تۉلقینی نینگ ترقهلیشی بیلن مملکت شفاخانهلریده آکسیجن اېتیشمسلیگی کرونا کسللری اوچون جدّي معماگه ایلنگن. پاکستان، اېران و مرکزي آسیا ساغلیقنی سهقلش وزیرلیگیگه آکسیجن ېتکزیب بېریشده یاردم بېریشگه وعده بېرگنیگه قرهمهی، کرونا کسللیگیني یوقتیرگن بېمارلر حلی هم آکسیجن اېتیشمسلیگیدن شکایت قیلماقدهلر.