کانادا کیله سي تورت یبلده افعانستان گه ۲۷۰ میلیون دالر یادم بیرهدي
کانادانی کابل دهگي ایلچیلیگی ني اعلان قیلیشچه بو مملکت ني افعانستان دن حمایتی دوام ایتیب و کیله سي تورت ییلده کانادا ۲۷۰ میلیون دالر افعانستان دولتی گه یادم کورستهدي.
بو ایلچیلیگ بوکون ( چهارشنبه ۵جوزا)نشر ایتکن خبرنامه سیده بو یاردم ۲۰۲۴ میلادی ییل گه قدر افعانستان دولتی اختیاریگه قویلیشی ني تاکیدلشکن.
کانادا ایلچیلیگی خبرنامه سیده شونینگ دیک بو یاردم افعانستان دولتی دن حمايت ایتیش اوچون ژنوا ده اوتکزیلگن یغین ده کانادا وعده سي جمله سیدن بولگنی قید ایتیلگن.
کانادا ۲۰۰۱ میلادی ییل دن حاضرگه قدر افعانستان قیته قوریشی ده قریب اوچ میلیارد دالر صرفلشکنی بو خبرنامه ده ذکر ایتیلگن.
کانادانی کابل دهگي نمایندهلیگی معلوماتی گه کوره بو مملکت افعانستان تینچلیک پروسه سیدن حمايت ایتیب و کیله جکده هم بو حمایتلرنی دوام ایتیریشی دن ایشانچ بیلدیرگن.
کانادا مملکتی ني بو حمایتی اوندای بیر حالده اعلان ایتیلگن که آسترالیا کابل دهگي ایلچیلیگی ني باغلشده قرار آلگن.