ایگرمه توقیزینچی میزان؛ اوزبیک تیلی ملی کونی اوله راق تصدیق لندی
افغانستان جمهورریسی پایتخت کابل ده افغانستان اوزبیک لریگه تیگیشلی بیرقطار مدنی و اجتماعی انجمن و جمغرمه لرمسوللری بیلن اوچرشکنده ،۲۹ میزان کونی نی اوزبیک تیلی ملی کونی اوله راق تصدیق لشدی.
اشبو اوچرشوده افغانستان اوزبیک لری گه تیگیشلی بولگن ایریم انجمن و اویشمهلرباشلیغ لری اوزبیک تیلی وادبیاتی قوللب قوتلنیشی بویچه انیق تکلیف لرنی یوللب اوزبیک تیلی دن حمایت ایتیلشی نی جمهورریس گه تکلیف ایتیلر.
کتاب انجمنی باشلیغی و افغانستان اوزبیک لری نینگ تنقلی مدنیتچیلریدن بولگن عزیزالله ” آرال” اوزبیک تیلی قوللب قوتلنیشی اوچون، کابل عالی اوقویورتی ادبیات فاکولته سی قاشیده اوزبیک بولیمی ایجاد ایتیلیشی وعینی دمده جمهورریسلیک سرای سوزچیلیک دفتریده اوزبیک تیلی اوچون مخصوص بولیم ایجاد ایتیلشی نی جمهورریس گه تکلیف ایتی.
ارال جنابلری اوتکن بیش ییل جریانیده دولت تمانیدن اوزبیک تیلی گه نسبتا کورستیلگن دقت اعتباردن هم منتدارچلیک بیلدیردی. او، دولت تمانیدن اوزبیکی تیلیده تقویم چاپ ایتیلگنی، بو ملی تیل دن هرتمان لهمه حمایت ایتیشده دولت ارادهسی کوچلی ایکنی دن درک بیریشی نی اورغولشدی.
افغانستان جمهورریسی محمداشرف غنی جنابلری بو اوچرشوده، ملی تیل لر رواج رونقی اوچون مملکت نینگ یشوچیلری قوشمه روشده ایشلش لری کیرک بولگنی نی اورغولب مملکت ده رواجلنگن تیللردن حمایت ایتیش، دولت نینگ اساسی بورچ و مسولیتی ایکنی نی ایتی.
غنی جنابلری اوزبیک تیلی رواج رونقی و قدریتلری قوللب قوتلنیشی اوچون کابل ده اوزبیک وترکمن تیللری مرکزی ایجاد ایتیلیشی دن سوزبیردی. جمهورریس، بومدنی مرکز، تاریخی و علمی اثرلرنی اوزبیک و ترکمن تیللریده اورگیرتیریب مملکت نینگ برچه یشوچیلریگه بو تیللرنی اورگنیش زمینه سینی مساعد ایتیش ده یاردم بیریشینی تاکیدلشدی.
جمهورریس، اوزبیک تیلی ،افغانستان خلقی و مرکزی آسیا خصوصا اوزبیکستان و ترکمنستان ارا علاقه لرزمینه سینی مهیا ایتیب، بوعلاقه لررواجلنیشی مملکت اقتصادی ترقی سیگه بیواسطه حصه قوشهآلهدی دیب ایتی. غنی جناب لری اوزبیک تیلی رواج رونق تاپیشی بیلن افغانستان اورنی منطقه چهارراهه سی اوله راق تاباره قوللب قوتلنیشی گه امیدلی ایکنی نی هم تاکیدلب اوتی.
اشبو احتفال ده قرش بنیادی اعضاسی و اوزبیک یاش فعال اکبردشتی جناب لری سوزگه چیقیب اوزبیک ملی تیلی رواجی و قوللب قوتلنیشی ریجه سیده دولت تمانیدن کورستیلگن دقت اعتباردن قدردانلیک بیلدیردی. دشتی جناب لری، اوزبیک یاشلری اولکه ده یخشی حکومتدارلیک رونق تاپیشی اوچون حکومت مقام لریبیلن هردایم همکار ایکنلیک لرینی اورته گه قویب ، اوزبیک تیلی گه بیریلگن بها و اعتبار، اوزبیک یاشلرنینگ حکومت بیلن همکارلیک قیلیش ده اوتمیش دن کوره کوپراق قیزیقتیریش دن ایشانچ بیلدیردی. قرش انجمنی نینگ بو مسولی اوزبیک و ترکمن تیللریده علمی مرکز ایجاد ایتیلشی مدنیت رواج رونق تاپیشی دن علاوه منطقه مملکتلری ارا علاقه و اوزبیک تیلی و مملکت تاریخی بویچه علمی تحقیقات وتیکشیرولرگه مناسب زمینه یرتهالهدیب ایتی.
دشتی جنابلری اوز سوزلری سونگی ده یقین کیلهجکده افغانستان دولتی حمایتی بیلن مملکت ده اوزبیک تیلی اورنی اوتمیش دن دن کوره استون راق بولیشی گه امید بیلدیردی.